相機收購 高價收購相機 回收收購相機 相機 相機回收 二手相機 全新相機
攝影師桂濱花了兩年、擲近100萬元，開展「大影光機」計劃，親手製作5部大片幅即影即有相機。
【Yahoo新聞報道】「香港人都可以做到世界級嘅嘢」是攝影師桂濱的創作信念。他花了兩年心血，豪擲近100萬元，開展「大影光機」計劃：親手製作5部大型即影即有相機。當中最巨型的高逾2米、闊3米、重550磅，可即影即曬大至A1尺寸照片，打破過往即影即有的限制。桂濱將會與這座全球最巨型的即影即有相機遊歷全港各區，利用相片連結港人，並正申請打入健力士世界紀錄。
文字記者：盧珮瑤
攝影記者：Oscar Liu
桂濱製作了5部不同相片尺寸的相機，分別為（左起）20×24寸、16×20寸、10×20寸、11×14寸，以及最大型的30×24寸。
桂濱於浸大主修數碼圖像傳播時，擅長電腦動畫、程式編寫，「我電腦就叻喇，但我想做啲180度相反嘅嘢，行到好遠睇出面嘅嘢」。結果他畢業後當空少，旅伴是一架菲林相機，一年來邊走邊拍超過50個城市，「啲相都靚嘅，但覺得自己喺度製造postcard（明信片），好悶」。
他拾起又放下相機，斷斷續續，「成日有啲痕癢想玩返攝影，但好難影到同人唔同嘅相。」兩年前他「入坑」玩即影即有相機，但一般3.3×2.7寸的相片不能滿足他，「即影即有感覺特別強，有一幅嘢即時揸上手，真係幾好feel（感覺），但有無得大張啲呀？成日咁細張」。寶麗來曾出產8×10寸、與A4紙相若的菲林相紙 ，但每張價格近港幣200元，放了數月更會褪色，「有啲唔忿氣，我又唔想玩到咁貴，不如自己砌啦！」
桂濱在學時已接觸攝影，但苦無突破，直至「入坑」玩即影即有相機，靈機一觸試製大型即影即有相機。
桂濱的工作室滿佈各部相機的手繪設計圖。
各部相機均由桂濱親手製作，工作室亦有大量製作工具，包括逾百種螺絲。
本身開設廣告和科技公司的桂濱，過去兩年全情投入研發即影即有相機。他買了大量相機研究當中構造，並在網上得知只需一般相紙配以藥水就可在漆黑裏沖曬影像，不用靠菲林，「即係普通相紙有幾大、我砌到部機幾大，都可以即影即有到啦！」他擲近100萬元，身兼木工和電工，利用木板和螺絲製作5部不同尺寸相機。
30×24寸相機「Tankenstein」最巨型，3米闊，逾2米高，重達550磅。
巨無霸機身內藏「黑房」
5部相機之中最巨型的是「Tankenstein」，「因為佢似坦克車，就用科學怪人英文（Frankenstein）改咗」。Tankenstein為30×24寸相機，是一座「巨無霸」，闊3米闊、高逾2米，重達550磅。為方便街拍，桂濱加入伸縮設計，2米高機身可縮至1.7米高。
為方便街拍，「Tankenstein」設伸縮設計，可縮至80厘米闊、1.7米高，方便進升降機。
由於「Tankenstein」體積大，桂濱街拍時需與團隊成員一同把相機推到街外。
Tankenstein的機身滿佈DIY的痕跡，支架多由抽屜滑軌改裝而成，機身的頭燈則取自一輛古董車。整部相機製作需時近兩年，桂濱指當中最難處理的是沖曬膠箱。膠箱內存有8個藥水小匣，一條龍處理顯影、停影、漂白、定型、沖洗等步驟，他需精準設計藥水流動的流程才可沖出相片，「而家要啲液體郁，唔係張紙郁」，設計改動逾10次才成功。
「Tankenstein」用於拍攝的上層部分包括中古鏡頭、遮光罩、內置相紙匣以及觀景器（viewfinder）；底層沖曬膠箱則放置沖曬藥水，方便拍照後立即沖曬相片，還有支撐機身的支架部份。
「Tankenstein」底層的膠箱存有8個藥水小匣，當中包括顯影、停影、漂白、定型、沖洗等步驟。
「Tankenstein」機身有不少「機關」，方便桂濱拍照時可調整鏡頭角度。
記者隨桂濱到街上拍照。
拍照需「定格」數秒至半分鐘 沖曬需半小時
Tankenstein對光的敏感度低於一般相機，因此桂濱人手開合相機蓋以代替自動快門，延長相紙曝光時間。他先以手機測光決定相機鏡頭開蓋時間，環境越光，拍照時間越短。他替記者拍攝時陽光充足，記者仍須「定格」4秒，閉氣且不眨眼，若晚間拍攝或需定格半分鐘。拍攝過程幾乎全手動，桂濱先把手伸進相機內移動相紙，拍攝時打開及蓋上相機蓋，然後再伸手進去，摸黑將相紙放進沖曬膠箱，約10分鐘便可看到八成影像，完成整個沖曬程序則需約半小時。每張街拍的即影即有大相片，他都珍而重之，好好收藏。
相紙使用前需長期遮光，桂濱拍照前伸手進機身，摸黑從相紙匣取出相紙。
「Tankenstein」開合鏡頭蓋代替快門，桂濱測光決定鏡頭相紙曝光時間。
拍照後，桂濱需將相紙放進機身內的沖曬膠箱，並按掣啟動沖曬。
拍照後約10分鐘已可見到成品的八成，完成整個沖曬程序需約半小時。
記者當日嘗試拍兩張照片，質感和色澤效果不同，每次均有驚喜。
不少攝影師鍾情菲林質感，桂濱卻偏愛Tankenstein的沖灑效果，「佢同菲林似，但因為菲林（沖曬）要放大，平時會見到grains（微粒）；呢部唔牽涉放大，如果相紙靚嘅話係零微粒，同菲林影出嚟會唔同」。Tankenstein拍攝的照片受多種因素影響，包括環境光暗、溫度、藥水和相紙質素等，「藥水開咗出嚟幾耐、今次用邊隻相紙，出到嚟嘅色都有少少分別」。不可控制的因素看似局限，他則認為是特色，「好多被影嘅人都話，其實呢個咪就係佢得意嘅地方，係你會得到嘅其中一個surprise（驚喜）」。
入夜環境昏暗，桂濱拍照時需打燈，拍攝時間亦需約半分鐘。
「Tankenstein」觀景器（viewfinder）中的景象會上下倒轉，拍攝時角度要拿捏得更準確。
捨易取難 更覺珍貴
桂濱曾跟隨《黑紙》元祖攝影師沈嘉豪（Bobby）學習大底片攝影，拍攝和沖曬步驟繁複，當時桂濱不太明瞭箇中意義，「佢同我講咗一句『捨易取難』，嗰陣我唔明，大家都係想學點樣將啲嘢變快，但原來難係會令到啲嘢珍貴，有啲獨特嘅嘢走到出嚟」。途人往往被Tankenstein吸引而駐足，與相熟街坊和攝影發燒友的交流，正是他製作巨型即影即有相機的因由，「Size does matter.（尺寸很重要），你可以同人好慢去經歷一件事，嗰種期待感……影完大家會『嘩』、『我未見過自己呢個樣』，係大家一齊去做個作品出嚟，嗰個感覺係好強好強」。途人的鼓勵也成為他的動力，「有時夜晚就係我一條友喺度鑽螺絲，就會諗返起大家覺得呢件事係正嘅，覺得做呢啲辛苦嘅事係有意思」。
桂濱街拍途中，有攝影愛好者途經駐足欣賞交流心得。
「想做就做到盡」
目前桂濱正為Tankenstein申請加入健力士世界紀錄，「香港人本身都幾叻，如果拎到世界紀錄，就證明香港人都可以做到世界級嘅嘢」。他亦希望藉此鼓勵下一代追夢，「你有夢想就要做，呢個example（例子）就係想做就做到盡。我諗過放棄無數次，但從來唔畀自己放棄」。
對桂濱而言，Tankenstein象徵自由的創作靈魂，「我好鍾意原創，唔需要人話畀我聽我人生應該做乜，完全無guidelines（指引），我好肯定係有point（原因）咁我就做。呢一兩年係我人生最開心、fulfill（滿足）嘅一年，象徵住一種我最愛自己嘅階段」。
桂濱希望Tankenstein打入健力士世界紀錄，力證香港的製作亦可達世界水平。
桂濱計劃未來每周與Tankenstein遊歷全港各區，包括深水埗、旺角等為港人拍照，並進駐博物館展覽。他表明這個計劃非為牟利，而是慈善，包括為獨居長者拍攝「車頭相」，「佢開心之餘亦可以令人記得佢」。他目前正籌備製作另一部更巨型、60×30寸即影即有相機，能拍攝單人床大小的相片，繼續尋求突破和連結人心，「透過攝影呢樣嘢我同到好多人connect（連結），世界上最珍貴嘅嘢就係人同人嘅交流，AI、tech（科技）幾先進都取代唔到」。
轉載源自YAHOO
優酷3C收購網 實體店面 免費估價 現金收購
收購相機 相機收購 高價收購相機 回收相機 相機回收 二手相機 全新相機
加入官方LINE 線上估價 ⇓⇓⇓⇓⇓⇓⇓⇓⇓
***返回收購列表***
